ВИДЕО | Хитот на Дрејк и Д Викенд тргнат од интернет, бил направен од вештачка интелигенција
Музичкиот хит „Heart on My Sleeve“ кој деновиве го зазема интернетот, а на кој има (лажни) вокали на пејачите Дрејк и Д Викнд, всушност, е песна создадена од вештачка интелигенција, а зад чија продукција стои уметникот Ghostwriter.
Песната со вокали генерирани од вештачка интелигенција за кои се тврди дека се на Дрејк и Д Викнд е повлечена од услугите за стриминг од страна на музичката корпорација „Јуниверзал мјузик груп“ (Universal Music Group (UMG)), откако стана вирална во текот на викендот. Компанијата ја осуди песната, наречена „Heart on My Sleeve“, за „прекршување на содржината создадена со користење вештачка интелигенција“, пренесува „Гардијан“.
Things are about to get really, really weird
All of the Drake and Weeknd verses in this are AIpic.twitter.com/Tr83l6A4aV
— 卄卂ㄥ丂 ㄖᗪㄚ丂丂乇ㄚ (@HALSodyssey) April 16, 2023
Песната првично беше објавена на социјалната мрежа Тик-ток од корисник наречен Ghostwriter977 и споделена на стриминг услугите под името на изведувачот Ghostwriter. До моментот кога беше отстранета на 17 април, имаше 600.000 преноси на Спотифај, 15 милиони прегледи на Тик-ток и 275.000 прегледи на Јутјуб.
Дрејк и Д Викенд засега не се огласиле околу новиотот контроверзен музички проект.
Во последниве месеци, големите американски музички издавачки куќи веќе во неколку наврати побараа отстранување на песните што содржат вокали генерирани од вештачка интелигенција од познати уметници, меѓутоа, станува збор за сè уште правно неистражена област која сè уште чека регулација.
А дали наскоро со забрзаниот напредок на алатките за аудио вештачка интелигенција, ќе видиме вистинска поплава од нови песни кои ќе содржат вокални делови од познати живи и починати уметници – одговорот е речиси сигурно потврден.