Вознемирувачки сцени се случија денеска во Црна Гора, за време на натпреварот од втората лига меѓу Интернационал и Беране, кога група навивачи со стапови влегоа на теренот и го прекинаа натпреварот.

Натпреварот се играше во Никшиќ, на стадионот на Челик, а хаосот настана по судир меѓу навивачите на Беране и поддржувачите на Сутјеска, познати како „Војводи“. Според црногорските медиуми, сè започнало со навредливи пораки и провокации на социјалните мрежи, по што дел од навивачите на Сутјеска решиле да дојдат на стадионот и да се пресметаат со противничката група.

Инцидентот избувнал пред почетокот на второто полувреме, „Војводите“ влегле на теренот и се упатиле кон трибината со навивачи на Беране. Во следните минути теренот се претворил во бојно поле, со фрлање на ракети и тепачки меѓу двете страни. Полицијата морала итно да интервенира, а натпреварот бил прекинат околу половина час додека состојбата не се смири.

 

View this post on Instagram

 

A post shared by Balkanski Navijaci (@balkanskinavijaci)

Неофицијално, најголемиот дел од навивачите на Беране во тој момент не биле на трибините, па во инцидентот учествувале само десетина нивни поддржувачи.

По инцидентот, натпреварот бил продолжен и завршил без голови (0-0), додека полицијата сè уште трага по лицата кои ги предизвикаа нередите.

Преземено од: Спорт.ком.мк