ВИДЕО | Готвиме со Маја: Пилешки увијачи во сос од бадеми
Нашата позната готвачка Маја денес ни подготви одличен рецепт кој ја разигрува класичната форма на подготовка: пилешки увијачи во сос од бадеми, придружени со пржени крокети од ориз. Погледнете како Маја ги подготвува овие одлични рецепти.
Состојки
2 Перутнина Птуј пилешки стека
200 г мешан кашкавал
Перутнина Птуј пилешко филе
- Пилешките стекови исечете ги по целата должина за да добиете големо тенко парче.
- Месото убаво исчукајте го со кујнски чекан.
- Филувајте со мисиркино филе и со кашкавал и замотајте го во ролна. Доколку е потребно краевите затворете ги го чепкалки.
- Пржете ги во тава или на скара увијачите во загреано масло по 4 до 5 минути од двете страни.
Сос
2 лажици путер
500 г О’Плант млеко од бадеми
70 г рендан пармезан
1 лажица брашно
50 г мелени бадеми
1 лажичка Вегета Маестро лук
Сол и бибер
- Во тава загрејте го путерот со малку масло и ставете брашно да се испржи.
- Постепено додавајте топло млеко од бадеми и цело време мешајте додека бешамелот не се згусне. По потреба додадете млеко.
- На крајот зачинете со лук, сол, бибер и мелени бадеми.
- Во готовиот сос ставете ги испржените увијачи и посипете со рендан пармезан.
- Оставете да се крчка на тивко уште 15 минути.
Пржени крокети од ориз
2 чаши сварен басмати ориз
1 лажичка сол
1/2 лажичка бибер
3 јајца
1/3 чаша рендан пармезан
2 лажици сув магдонос
1 чаша лебни трошки
2 лажици Фант од шунка и кашкавал
Фант од 4 вида сирење
Масло за пржење
- Сварете го оризот за да добиете количина од 2 чаши и префрлете го во сад.
- Во него додадете рендан пармезан, сув магдонос, Фант од шунка и кашкавал и Фант од 4 вида сирење, едно јајце и сол и бибер. Убаво измешајте ги состојките за да добиете компактна смеса.
- Со помош на две намастени лажици формирајте топчиња и поховајте ги во јајца па во посолени лебни трошки.
- Пржете ги кратко во силно загреано масло додека не добијат златна боја.