Бејглс се кружни лепчиња со карактеристична дупка во средината, кои потекнуваат од Источна Европа. Нивната специфичност е во начинот на подготовка: тестото најпрво кратко се вари во вода, а потоа се пече, што им дава крцкава кора и мека, густа внатрешност. Денес овие лепчиња се особено популарни во САД, каде најчесто се служат со крем сирење, лосос, путер или различни солени и слатки намази.

Во ова видео ќе го дознаеш токму тоа: како дома да си направиш неодоливо вкусни посни „бејглс“ лепчиња – мирисот е познат, а текстурата скромна, речиси монашка.

Погледнете го видеото, а подолу се и мерките:

Рецепт:

500гр Брашно ТИП400
260мл млака вода
1 лажица шеќер
1 лажичка сол
15гр сув квасец
2 лажици маслиново масло

За варење:

2л Вода
50гр Сода

За посип:

Сусам, ленено семе или црно семе или комбинација од трите (бидете креативни)

Со ова видео „Готвиме со Фичо“ започнува нова соработка со „Слободен печат“. Заедничката цел е да ви донесеме брзи, лесни и одлични рецепти и приказни за храната, есенцијални нешта кои го обликуваат нашето секојдневние.

А сега, кажи ни, со што ќе ги збогатиш твоите посни „бејглс“ лепчиња?