На територијата на Црна Гора се активни голем број пожари, од кои некои ги загрозуваат куќите и имотот на граѓаните. Најкритичните точки моментално се помеѓу Буљарица и Чањ, Ѓурковиќ во Пипери над Рога, во Кучи и Кокоти, додека пожари беснеат и во Подгорица, Бар, Будва, Никшиќ, Шавник и Бијело Поље, соопшти Полициската управа.

@niksic.today 🔥🚒 Duga i teška noć pred našim herojima Noćas će vatrogasne ekipe imati pune ruke posla zbog više požara koji su izbili na različitim lokacijama. Hrabri vatrogasci neumorno rade na terenu, boreći se sa vatrom i štiteći živote, imovinu i prirodu. Hvala im na svemu što čine za našu sigurnost. ❤ Apel građanima: Poštujte uputstva vatrogasaca i drugih službi na terenu. Izbegavajte kretanje u blizini mesta intervencije. Ostanite oprezni prilikom upotrebe otvorenog plamena, roštilja i bacanja opušaka. #niksictoday #pozari #pozar #vatrogasci #crnagora #montenegro ♬ original sound – niksic.today

Црногорската влада синоќа одлучи да побара помош од НАТО за гаснење на шумските пожари од воздух, бидејќи пожарите синоќа сè уште се ширеа на неколку локации, вклучувајќи го и тој околу Подгорица, каде што во текот на денот беа изгорени неколку куќи, а неколку пожарникари беа повредени.

„Според проценката на Министерството за внатрешни работи, Дирекцијата за заштита и спасување, моментално достапните ресурси не се доволни за ефикасно сузбивање на пожарите, особено во тешко достапните подрачја и во услови на високи температури, силни ветрови и суша“, објави владата.

Според извештаите, во моментов има активни пожари во општините Подгорица, Будва, Бар, Никшиќ, Шавник и Бијело Поље, а главниот пат Подгорица-Никшиќ е затворен за сообраќај.

Во соопштението се додава дека противпожарните авиони и хеликоптери работат со полн капацитет, но поради обемот на пожарите и ограничените технички можности, не можат да одговорат на сите барања.

„Прогнозата на Хидрометеоролошкиот завод укажува на продолжување на неповолните временски услови во наредните денови“, се наведува во соопштението.

Црногорскиот премиер, Милојко Спајиќ, изјави дека владата на Црна Гора ќе им ја обезбеди целата потребна помош на граѓаните кои претрпеа штета во пожарите, со цел да се санираат последиците и да се врати тоа што е изгубено.

„Свесен сум за тежината на загубите што ги претрпеа нашите граѓани. Владата на Црна Гора ќе биде со вас – ќе ја обезбедиме целата потребна помош за да ги санираме последиците и да го вратиме тоа што е изгубено. Овие предизвици се тешки, но ќе ги надминеме заедно, со верба во силата и единството на нашата заедница“, напиша Спајиќ на X.

Тој додаде дека пожарите на неколку локации во земјата предизвикаа голема материјална штета на граѓаните и заедниците.

„За жал, повредени се и нашите пожарникари – луѓе кои несебично и храбро стојат на првата линија на одбрана на животот и имотот секој ден. Им упатувам искрена благодарност и длабоко почитување за жртвата и храброста што ја покажуваат“, рече тој.

Спајиќ, исто така, им се заблагодари на Хрватска, Србија, Словенија, Европската Унија и НАТО за нивната помош во гаснењето на пожарот.

„Вашата поддршка во овие моменти значи многу за нашата земја и нашиот народ“, заклучи Спајиќ.

Полиција на Црна Гора ги презема сите потребни мерки и дејствија со цел да се утврди причината за пожарите што беа активни на територијата на неколку општини и региони низ целата земја во последните два дена.

@niksic.today 🚨Ekipe iz Ulcinja nalaze su u Podgorici kako bi pomogle u gašenju požara. Podrška i aplauz za naše heroje! 👏🚒 Video: @tv_teuta #niksictoday #podgorica #ulcinj #crnagora #montenegro ♬ original sound – niksic.today

За оваа работа се активирани сите расположиви полициски капацитети, соопштија од Управата за полиција, а активностите ќе се спроведуваат и преку воздушно набљудување, со посебен фокус на идентификација и третман на лица кои, намерно или небрежно, предизвикуваат или потпалуваат пожари.

Најавија дека против таквите лица ќе бидат преземени репресивни мерки во согласност со важечките законски прописи.

;

@niksic.today 🔥🚒 Ponovo aktivan požar između Buljarice i Čanja. #niksictoday #pozar #vatrogasci #buljarice #canj #crnagora #montenegro ♬ original sound – niksic.today