Ситуацијата во Тотенхем станува сè потензинчина по новите разочарувачки резултати во Премиер лигата. Поразот од Борнмут со 3-2, решен со голот на Антоан Семењо во 95. минута, дополнително ја влоши и онака тешката атмосфера во клубот. „Петлите“ сега имаат само една победа на последните шест првенствени натпревари, а незадоволството кај навивачите е сè поизразено.

По последниот свиреж на „Виталити“, дојде до вербален инцидент меѓу неколку фудбалери на Тотенхем и гостинските навивачи. Снимките кои брзо се проширија на социјалните мрежи покажуваат како Мики ван де Вен, еден од лидерите во тимот, се приближува до трибината и влегува во жестока расправија со еден навивач.

Клупскиот персонал се обиде да ја смири ситуацијата, но набрзо се вклучи и Педро Поро, кој, според пишувањето на медиумите, бил видно бесен и морал да биде задржан од обезбедувањето. Улогата на смирувач се обиде да ја преземе Жоао Палиња кој постигна и еден гол во натпреваарот.