Фудбалерите на Фламенго од Бразил се пласираа во финалето на Интерконтиненталниот куп, откако синоќа во Ал Рајан го победија египетскиот тим Пирамидс со 2:0 во полуфиналето.

Јужноамериканскиот и бразилскиот шампион ќе играат за трофејот против европскиот шампион Пари Сен Жермен на 17 декември.

Францускиот тим директно се квалификуваше за финалето на ова натпреварување.

Головите за Фламенго во победата ги постигнаа Лео Переира во 24, и Данило во 62 минута. Видео записот со најинтересните моменти од натпреварот можете да ги погледнете ТУКА

Фламенго во среда ќе има шанса да го освои и својот трет голем трофеј за помалку од еден месец, но ќе мора да го победи својот најтежок можен ривал за да го стори тоа.