Турскиот претседател Реџеп Таип Ердоган денеска во Претседателскиот комплекс во Анкара го пречека папата Лав XIV, на официјална церемонија одржана со воени почести, во присуство на високи турски владини претставници.

Ердоган и Папата се упатија кон специјално дизајнираната церемонијална зона, каде што беа интонирани националните химни на двете држави, придружени со 21 топовски истрел. Папата ја поздрави почесната гарда, велејќи „добра вечер војници“ , а на церемонијата присуствуваа и знаменосци кои ги претставуваа 16-те турски држави кои историски се основани.

Vatikan Devlet Başkanı Papa 14. Leo’yu Resmî Karşılama Töreni https://t.co/oFtcAGLVZ9

— Recep Tayyip Erdoğan (@RTErdogan) November 27, 2025

Следеше презентација на делегациите, при што Ердоган и папата Лав XIV ги претставија членовите на своите тимови, додека двете делегации потоа се повлекоа на приватни разговори во рамките на официјалната посета.

На церемонијата присуствуваа турскиот потпретседател Џевдет Јилмаз, министерот за надворешни работи Хакан Фидан, министерот за култура и туризам Мехмет Нури Ерсој, генералниот секретар на Претседателството Хаки Шусмаз, директорот на претседателските комуникации Буранетин Дуран , директорот на претседателската приватна канцеларија Хасан Доган, вишиот советник за надворешна политика и безбедност Акиф Чагичај и Гувернерот на Анкара Васип Шахин.

Папата Лав XIV беше пречекан претходно со официјална церемонија во Бестепе.

Папата Лав Четиринаесетти пристигна во Турција