Елена Велевска се врати во Охрид каде што живееше со поранешниот сопруг Марјан и трите деца пред разводот. Фолк-пејачката која е инаку од Прилеп, објави убави слики и видео од Охрид.

Причината е нејзиниот настап за празникот Водици во најшиот најпознат туристички центар. Велевска била шик облечена на овој настап, во бел капут, црн шешир и штикли со тигрест мотив.

„Благодарам Охрид“, напиша атрактивната фолк-пејачка до видеото кое го објави.

Во 2021 година, откако се разведе од сопругот Марјан Мирчески, познатата фолкерка рече дека не живее со своите три деца Софија, Калија и Марко.

Во интервју за естрадниот магазин „Бекстејџ“ таа откри дека потешко оди гледањето со децата, бидејќи тие се во Охрид, а таа е во родниот Прилеп.

„За да не се прават стресови за децата, бидејќи се израснати во Охрид, секогаш ја гледаме најдобрата страна за нив, бидејќи јас и сопругот повеќе не сме во прашање и функционираме подобро разведени, отколку во брак“, рече Велевска во 2021.

„Секогаш ќе гледаме за нивно добро, бидејќи имаме три деца и многу е поубаво да останеме во добри односи“, додаде пејачката тогаш.

„Сама на себе си станав досадна кога е таа тема во прашање и си ветив дека за прашањата поврзани со она кое што се случи изминатиот период, ќе молчам“, изјави пејачката во интервју за „Слободен печат“.

ВИДЕО | Елена Велевска скршена и низ солзи: Останав борец и покрај сите порази