ВИДЕО | Експлозија разнесе кинески ресторан за нудли во Авганистан, загинаа седуммина
Видеа споделени на социјалните мрежи покажуваат урнатини расфрлани по улицата пред ресторанот и чад што излегува од голема дупка направена на предниот дел од ресторан.
Експлозија денеска разнесе кинески ресторан во Авганистан, сместен во хотел во строго обезбеден дел од главниот град Кабул, при што загинаа еден кинески државјанин и шест Авганистанци, а повредени се повеќемина, меѓу кои и едно дете, објави „Ал Џазира“.
Препорачано
Ресторанот, погоден од експлозијата во понеделникот, се наоѓа во комерцијалната населба Шахр-е-Нав во Кабул, каде има деловни објекти, трговски центри и амбасади, изјави портпаролот на полицијата Калид Задран. Овој дел од градот важи за еден од најбезбедните во Кабул.
– Кинескиот ресторан за нудли бил заеднички управуван од кинески муслиман по име Абдул Маџид, неговата сопруга и авганистанскиот партнер Абдул Џабар Махмуд, а бил наменет за кинеската муслиманска заедница – додаде Задран.
ВИДЕО | Во судир на два воза во Шпанија, 39 загинати, стотина повредени
Видеа споделени на социјалните мрежи покажуваат урнатини расфрлани по улицата пред ресторанот и чад што излегува од голема дупка направена на предниот дел од објектот.
A bomb blast hit Shahr-e-Naw, central Kabul, near a hotel/restaurant today.
Multiple civilians were killed and injured, exact numbers still unclear.
China’s state media reports two Chinese citizens were seriously wounded.
The cause is under investigation; no claim of… pic.twitter.com/xlEFIR5Y9A
— Clash Report (@clashreport) January 19, 2026
Засега ниедна група не ја презела одговорноста за нападот, а причината за експлозијата сè уште не е позната.
Надлежните соопштија дека спроведуваат истрага.
🚨🔥Deadly blast rocks Kabul.
An explosion ripped through a hotel in Shahr-e-Naw, killing several and injuring many, Taliban officials confirm. Local reports say the blast struck outside a Chinese restaurant, plunging the area into chaos.#Afghanistan #Kabul pic.twitter.com/jv0NPfTxjG— Rizwan Shah (@rizwan_media) January 19, 2026
Италијанската невладина организација „Имерџенси“ соопшти дека медицинската установа со која управува во Кабул примила 20 луѓе поврзани со експлозијата, од кои седуммина биле донесени без знаци на живот. Организацијата нагласи дека бројките за жртвите се „сè уште привремени“.
Експлозиите во Кабул и низ Авганистан се поретки откако Талибанците повторно дојдоа на власт по повлекувањето на САД во 2021 година, но ограноците на Исламска држава (ИСИС) и понатаму се активни во земјата и повремено извршуваат напади.
ВИДЕО | Голем пожар однесе 6 животи во Карачи, уништи трговски центар
