Една девојка се качила во авион очекувајќи само уште едно долго патување, но тоа завршило со средба што се случува еднаш во животот.

Патриша Албасит, 29, од Австралија, патувала со редовен патнички лет на „Квантас“ на 3 март кога забележала висок маж во бизнис-класа кој изгледал исклучително познато. Иако се сомневала дека можеби е актерот Џејкоб Елорди, таа првично ја отфрлила идејата, претпоставувајќи дека холивудска ѕвезда нема да лета со редовен патнички лет.

Нејзиното видео на Тикток кое го документира целиот настан со серија фотографии, вклучувајќи селфи со Елорди и потпишана книга, има 1,7 милиони прегледи.

– Седеше веднаш спроти мене. Кога се обидуваше да го стави рачниот багаж во багажникот над главата, го погледнав и си помислив: „Дали е тоа Џејкоб? Го познавам овој човек, но какви се шансите?  – рекла Албасит.

Таа раскажа дека нејзините сомнежи дополнително се зголемиле кога го забележала неговиот луксузен багаж, два куфери „Римова“ и две чанти „Ботега Венета“. За време на летот, Елорди носел слушалки и читал нешто што изгледа како сценарио. Албасит и блиските патници размениле тивки погледи, обидувајќи се да не привлечат внимание или да го вознемират.

Дури кога авионот почнал да слетува, таа го потврдила неговиот идентитет со стјуардесите.

– Сите тајно се обидувавме да не паничиме и да не го вознемириме. Конечно, додека се спуштавме, отидов во тоалетот. На враќање, ги прашав стјуардесите: „Еј, дали е тоа Џејкоб?“ Тие рекоа дека е. Помислив: „Добро“, и почнав да се вцрвенувам – раскажала таа.

Кога Елорди ги извадил слушалките и почнала да разговара со друг патник, таа одлучила да го искористи моментот.

Му се приближила и му објаснила дека имала „страшен ден“ од лични причини, но дека сака да се поздрави и да побара фотографија. Таа рекла дека актерот веднаш ја смирил.

– Ја носев мојата чанта Биркин, а тој рече: „Ќе се фотографирам со тебе ако ми го дадеш твојот Биркин“. Двајцата почнавме да се смееме – се присети таа.

Тие лежерно си разговарале додека авионот слетувал, а откако таа рекла: „Неверојатно е што во ден кога немам шминка и имам ужасен ден, налетувам на тебе!“, тој одговорил: „Прекрасна си, дојди тука“, па го земал нејзиниот телефон и се фотографирале.

По слегувањето, Елорди ги замолил Албасит и друг патник да не споделуваат детали за нивната локација. Додека шетале низ аеродромот, тој одеднаш се стрчал назад кон нив. Ги замолил да почекаат, накратко исчезнал од аеродромот и се вратил со две книги. Клекнал за да напише посвета и да го потпише романот „Оркански височини“, книга за која е направена нова филмска адаптација во која тој го играше Хитклиф.

Во книгата напишал: „Драга Патриша, се надевам дека сонцето ќе те осветли денес. Со љубов, Хитклиф.“

Албасит рекла дека Елорди напишал и порака за друга жена, наменета за нејзината ќерка. Се прегрнале, се пошегувале за неговата висина, а тој ѝ открил дека е висок 198 см. Таа го опишала како „многу, многу сладок“, додавајќи дека се однесувал кон нив „како кон пријатели“.

Елорди, најпознат по своите улоги во ТВ серијата „Еуфорија“ и филмовите „Солтбурн“ и „Присила“, неодамна го играше Хитклиф во адаптацијата на „Оркански височини“ од режисерот Емералд Фенел.

Корисниците на Титкок ја преплавија Албасит со коментари, запрепастени од гестот на актерот.

„Како тоа мислиш, тој ја купил книгата и се потпишал како Хитклиф“, напишал еден корисник. „Го губам разумот“, додал друг. „Никогаш нема да престанам да зборувам за ова“, се согласил трет корисник, додека еден корисник се пошегувал: „Среќен сум за тебе, но не од дното на моето срце“.