ВИДЕО: „Два во еден“, ПСЖ направи пресврт без Меси кој играше само 45 минути
Фудбалерите на ПСЖ славеа во дербито на 12 коло на француската „Лига 1“, откако по пресвртот од 2:1 го победија Лил на „Паркот на принцовите“, со головите на Маркињос и Ди Марија.
Првото поголемо возбудување се претвори во гол кога во 31 минута, Џонатан Дејвид по одличната акција на Лил лесно го совлада Џанлуиџи Донарума по асистенцијата на Бурук Јилмаз. Најдобрата шанса во првото полувреме за домашните ја имаше Анхел Ди Марија, чиј обид откосо во 40 минута заврши покрај голот.
Големо изненадување на почетокот на вториот дел беше одлуката на тренерот на париските „светци, Маурисио Покетино, да го замени Лионел Меси, а во игра влезе Мауро Икарди.
После многу обиди, израмнувањето дојде во 74 минута по тројна акција во која учествуваа Нејмар и Ди Марија, а реализатор беше Маркињос, кој одлично се снајде на втората статива. Пред голот се консултираше ВАР кој процени дека нема ништо спорно во дуелот помеѓу Икарди и Грбиќ.
FULL-TIME: @PSG_English 2-1 @LOSC_EN
A superb second half display completes the comeback, Di Maria and @marquinhos_m5 with the goals!
🔴 #𝗜𝗖𝗜𝗖𝗘𝗦𝗧𝗣𝗔𝗥𝗜𝗦 🔵#Ligue1 | #PSGLOSC pic.twitter.com/yUTGcMMwNf
— Paris Saint-Germain (@PSG_English) October 29, 2021
Израмнувачкиот гол им даде храброст на играчите на Покетино уште посилно да го нападнат голот на гостите. Најдобрата шанса да му донесе победа на ПСЖ Икарди ја пропушти во 85 минута, чиј удар од добра позиција заврши покрај голот. Победата за домаќинот ја донесе Ди Марија со голот во 88 минута кога постигна гол по одличната комбинација со Нејмар.
Како што натпреварот се приближуваше кон крајот, нервозата се зголемуваше. Лил очајно се обидуваше да израмни, но немаше позначајна закана кон голот на Донарума, па ПСЖ отиде на плус 10 со натпревар повеќе од второпласираниот Ленс. Лил падна на 11 место и веќе може да се „збогува“ со одбраната на титулата.