Првата иницијатива во Стразбур е донесена во 2017 година, а потоа уште девет други. Од Стразбур се бара да ги уважи аболициите на претходниот претседател Ѓорѓе Иванов. Стразбур треба да одговори на две прашања, трето е нашата замрсена работа околу аболициите.

-Двете клучни прашања се има ли право претседателот да даде аболиција и дали еднаш веќе дадено право може да се укине, вели Гордана Дувњак за Утрински брифинг.

-Одлуката на Стразбур ќе се однесува на сите 56 жалби и доколку биде во нивна корист голем дел ќе се ослободат од предметите на СЈО, но не во целост. Со тоа ќе биде зададен голем удар врз главниот предмет „Таргет“ и „Титаник“, вели за Утрински брифинг новинарката и уредничка на „Фокус“, Гордана Дувњак која додава и дека најверојатно државата по ваквата одлука ќе треба да плаќа и отштета.

– Ако забележувате тонот меѓу бизнисменот Орце Камчев и обвинителството се промени особено по случаите со плацевите на Водно, а имаше ефект и врз случајот „Империја“ кој се заокружи со минимална казна од една година и плаќање отштета од страна на обвинетиот, коментира Дувњак.

-Оваа пракса не е непозната данокот да се плати и казната да биде намалена меѓутоа се остава впечаток на една селективна правда, односно кој има да плати може и да заобиколи повисока казна, додава таа.

-Мора да потенцирам дека ова е само еден дел од Империја, има уште два дела по кои Камчев ќе се гони, вели Дувњак.

-Обвинителката Русковска во едно нејзино гостување несмасно најави дека постојат разговори и иницијативи и од страна на Сашо Мијалков за спогодба, вели за УБ новинарката и уредник на Фокус, Гордана Дувњак.

Проследете го целиот разговор во видеото