Кошаркарите на Далас поведоа со 2:1 во четвртфиналната серија на Западот во НБА лигата, откако рутински пред своите гледачи го совладаа Лос Анџелес Клиперс со резултат 101:90.

Маверикси со пресврт дојдоа до нов триумф во оваа возбудлива плејоф серија благодарение на словенечко-американскиот тандем Дончиќ-Ирвинг, кој одлично соработуваше на овој меч.

Дончиќ иако имаше 7/25 од игра (3/14 за три поени), повторно беше најдобар на паркетот. Беше на чекор од „трипл-дабл“ учинок, запиша 22 поени, 10 скокови и девет асистенции.

Блескаше и Кајри Ирвинг кој натпреварот го заврши со 21 поен. На спротивната страна по 16 поени реализираа Пол Џорџ и Кавај Ленард.

Следниот меч помеѓу овие две екипи е в недела од 21.30 часот по македонско време.

НБА плеј-оф

Далас – ЛА Клиперс 101:90 (2:1)
Феникс – Минесота 109:126 (0:3)