Сакам да им се заблагодарам на сите кумановчани што вчера покажаа што е демократија, го почитувам секој глас и ќе ја реализирам програмата, рече за денешен „Утрински брифинг“ градоначалникот Максим Димитриевски.

Каков ви е односот со СДСМ по вчерашниот ваш резултат?

– Јас сум член на СДСМ, моето исклучување е едностано. Мој приоритет е Куманово и проблемите на градот. Политички сум убеден социјалдемократ. СДСМ била и мора да остане државотворна партија. Граѓаните испратија повеќе пораки на овие избори кои мора да се послушаат, вели Димитриевски.

Во СДСМ не се гледа јасен наследник на Заев.

– Во партијата последниот збор го имаат членовите. Потребна е структурна реформа. Не сакам да ја коментирам оставката на Заев оти ја немам слушнато. СДСМ е силна партија која многу пати била во криза и знаела да излезе од криза. Важно е да му се дадепростор на секој вистински социјалдемократ. Многу луѓе кои досега доаѓаа на позиции беа далеку од социјалдемократијата како идеологија, вели Димитриевски.

Целиот разговор проследете го во видеото во продолжение: