Палестинската служба за цивилна одбрана денеска објави дека загинале 10 членови на исто семејство, меѓу кои 7 деца, во напад на израелските сили во текот на ноќта во Кан Јунис, во јужниот дел на Појасот Газа.

Жртвите, на возраст меѓу 3 и 58 години, беа убиени во воздушен напад што се случи околу 03:30 часот по локално време, изјави портпаролот на спасувачката служба Махмуд Башал.

Израелската армија соопшти дека ја испитува оваа информација.

The number of martyrs has risen to eight following the bombing of the Al-Farra family home in Khan Younis — a new crime added to the ongoing record of massacres committed against civilians.
pic.twitter.com/OtOKhP8sIt

— Tarik Anwar Khan (@tarikanwarkhan) April 11, 2025

Очевидци пријавија и континуиран и интензивен оган од израелски тенкови утринава во Кан Јунис.

Палестинската служба за цивилна одбрана, исто така, објави дека две лица загинале во израелски напад во Беит Лахија, во северниот дел на Појасот Газа.

Портпаролот на израелската армија, кој зборува арапски, Авичаи Андраи, исто така ги повика жителите на неколку населби во источниот дел на градот Газа, кој исто така се наоѓа во северниот дел на палестинската енклава, да се евакуираат од своите домови.

Израелската армија „оперира со сила во вашите зони за да ја уништи терористичката инфраструктура. За ваша безбедност, мора да се евакуирате“ , рече тој во објавата на страницата за социјална мрежа Икс.