Некогаш, во далечните 50-ти години на минатиот век, кај денешниот објект „Езерце“ во Градскиот парк, се појавиле првите забавни реквизити. Мали атракции што ги буделе насмевките и џагорот на генерации деца.

Секој посетител знаеше дека со три-четири жетони во џебот, поседува цело богатство. Мајките и татковците, бабите и дедовците, заедно со најмладите, ги минувале викендите во овој шармантен дел од градот.

Скопје без Лунапаркот е помалку „детски“, но магијата на ретро атракциите, на панорамското тркало, на рингишпилот, на популарните пирошки… сè уште будат носталгија кај постарите генерации и љубопитност кај помладите што никогаш не доживеале такво место.