Црвена Звезда иако уште претходно ја обезбеди шампионската титула сепак славеше и во 176. вечно дерби против Партизан со 2-1.

Партизан прв дојде до водство со голот на Калулу во 39. минута по грешката на голманот на црвено-белите, Глазер.

Предноста на Партизан беше актуелна се до завршницата од средба кога Максимовиќ стрелаше за израмнување. Не застана ниту тука Звезда, па така преку Бруно Дуарте го комплетираше пресвртот.

Треба да се каже и дека на Звезда во натпреварот и беа поништени два гола поради офсајд и играње со рака.

Звезда на табелата е убедливо прва со 89 бода, додека Партизан на втората позиција е со 63 и тоа најдобро покажува каква е доминацијата на црвено-белите во овој момент во српскиот фудбал.