Поп-ѕвездата Бритни Спирс повторно се огласи на Инстаграм, откако пред неколку недели беше приведена, а овојпат вниманието го привлече со емотивен момент со својот син.

44-годишната пејачка објави видео со 19-годишниот Џејден, на кое двајцата позираат пред огледало. Тинејџерот снимал додека таа стои до него, а во друг дел од видеото Спирс се појавува во поинаков стајлинг.

Во описот на објавата, пејачката им се заблагодари на фановите за поддршката и истакна колку ѝ значи времето поминато со најблиските.

„Ви благодарам на сите за поддршката… времето со семејството и пријателите е вистински благослов“, напиша таа.

Ова доаѓа по нејзиното апсење на почетокот на март во Калифорнија, кога беше осомничена за возење под дејство на алкохол. Според извори блиски до пејачката, по инцидентот таа одлучила да се фокусира на односот со своите синови.

Освен Џејден, Спирс го има и постариот син Шон Престон, кој исто така го доби со поранешниот сопруг Кевин Федерлајн.