Американската манекенка и актерка Брукс Нејдер деновиве престојуваше во Дубровник, за време на паузата од снимањето на новата верзија на култната серија „Чувари на плажата“ (Baywatch).

Иако во своите објави на Инстаграм не ја откри точната локација, фотографиите што ги сподели покажуваат дека го посетила старото градско јадро на Дубровник. Таа прошетала низ препознатливите камени улички, а објави и фотографии од катедралата, со што ненаметливо го откри своето присуство во хрватскиот град.

Според хрватските медиуми, Нејдер во Дубровник пристигнала со јахта, а засега не е познато каде ќе го продолжи своето патување.

Нејдер неодамна беше фотографирана на снимањето на новите „Чувари на плажата“, каде што се појави во препознатливиот црвен костим за капење – симболот по кој оригиналната серија остана препознатлива низ целиот свет.

Американската актерка и манекенка има една од главните улоги во новата верзија на „Чувари на плажата“, која се снима за американската телевизиска мрежа „Фокс“. Премиерата на серијата е најавена за телевизиската сезона 2026/2027.

Бен Афлек е во врска со поранешната на Синер и Алкараз? Атрактивната манекенка е 25 години помлада од него