Медицински тимови на британската војска со падобрани се спуштија на оддалечениот атлантски остров Тристан да Куња за да му помогнат на британски државјанин за кој постои сомнеж дека е заразен со хантавирус, објави „Би-би-си“.

Мажот го напуштил бродот „МВ Хондиус“ – истиот крузер што беше погоден од смртоносно жариште на вирусот – кон средината на април, кога пристигнал на оваа најоддалечена британска прекуморска територија каде што инаку живее.

Тој ги пријавил првите симптоми две недели по напуштањето на пловилото и моментално е во стабилна состојба во изолација. Досега се потврдени шест случаи на вирусот, вклучувајќи и двајца други Британци кои се лекуваат надвор од бродот.

Претходно, со воени авиони на островот беа доставени и итни залихи со боци медицински кислород кои биле на критично ниво.

Додека бродот со останатите патници пристигна во Тенерифе, британските државјани ќе бидат префрлени во 45-дневна изолација во Англија.

Властите смируваат дека ризикот за јавноста е минимален, нагласувајќи ја специфичноста на сојот „Андес“ кој се пренесува меѓу луѓе.

Јавноста не прави разлика меѓу науката и стравот од хантавирусот создаден на интернет, објаснува епидемиологот Даниловски