Фудбалерите на Баерн Минхен денеска убедливо го победија Унион Берлин со 4:0 во натпреварот од 27 коло од Бундеслигата.

Мајкл Олисе му донесе водство на Баерн во 43 минута, а Серж Гнабри ја зголеми предноста пред крајот на првото полувреме (45+1`).

Хари Кејн се погрижи за 3:0 во 49 минута, а со вториот гол на мечот, во 67 минута, Гнабри стрелаше за 4:0.

Баерн е прв на табелата со 70 бода, 12 повеќе од Борусија Дортмунд, која вечерва е домаќин на Хамбургер.

Во саботата се одиграа уште три натпревари, Келн ремизираше со Борусија Менхенгладбах (3:3), со истиот резултат заврши и мечот Хајденхајм – Баер Леверкузен, а Вердер Бремен славеше кај Волфсбург минимално со 1:0.