Грчкиот кошаркар Јанис Антетокумпо одигра уште еден фантастичен натпревар и го предводеше својот тим до нова победа.

Во исклучително ефикасен натпревар Милвоки славеше против Индијана со 131:141 и најзаслужен за тој триумф беше грчкиот кошаркар.

Милвоки по само две четвртини стигна до 85 поени, 45 се постигнаа во првиот период, 40 во вториот. Индијана во тој период не можеше да го следи ефикасното темпо на противникот, па гостите во еден момент водеа и со 33 поени разлика.

До крајот во вториот дел веројатно дојде и до опуштање во редовите на Милвоки, додека Индијана успеа само да го ублажи поразот. Антетокумпо го заврши натпреварот со дабл-дабл од 41 поени и 12 скокови, додека Тарнер со 24 беше најдобриот кај Индијана.

НБА РЕЗУЛТАТИ:

Индијана – Милвоки 131:141

Минесота – Мемфис 111:100

Мајами – Орландо 110:105

Оклахома – Кливленд 112:100

Голден стејт – Торонто 129:117