Денеска во 29 коло од Премиер лигата фудбалерите на Вулверхемптон на домашен терен со резултат 2:1 го совладаа тимот на Ливерпул.

Немаше погодоци по првото полувреме, а стрелците беа расположени во вториот дел во кој поведоа домаќините со голот на Гомеш во 78 минута по асистенцијата на Арокодаре.

Израмнија гостите преку Египќанецот Салах во 83 минута, додека конечниот епилог го постави бразилскиот интернационалец Андре, а во улога на асистент се најде Чачуа.

Ливерпул е на петтото место со 48 бодови по деветтиот пораз сезонава, а Вулверхемптон стигна само до третата победа, и останува на последната 20 позиција со 16 бодови.

Во следното коло „црвените“ на 15 март ќе го пречекаат Тотенхем, додека „волците“ следниот ден одат кај Брентфорд.