Американски ракетен крстосувач заплени неозначен брод во Арапското Море кој носел голема пратка руско и кинеско оружје.

Американските власти во моментов утврдуваат од каде потекнува и кон каде се движел бродот.

Според официјалниот профил на Твитер на Петтата американска флота, операцијата била спроведена во неутрални води од страна на екипажот на ракетниот крстосувачи „Монтереј”.

Американската армија соопшти дека на бродот биле пронајдени илјадници руски и кинески митралези, како и руски противтенковски ракетни системи и снајперски пушки.

Пронајденото оружје е запленето, а екипажот на бродот кој пренесувал нелегален товар бил ослободен откако бил испрашан. Американските власти сега утврдуваат од каде потекнува оружјето и каде требало да биде пренесено.

Ова не е првпат американски брод да заплени голем товар на оружје во Арапското Море. На почетокот на 2020 година, американската војска заплени ирански брод со оружје.