Вицешампионот Пелистер поразен во Гостивар, ФМП го доби Кожуф
Вицешампионот во кошаркарското првенство на Македонија вечерва забележа пораз на гостувањето кај Гостивар со 91:79.
Ако се погледне како се одвиваше натпреварот разликата можеше да биде и поголема, но на крајот сепак најважна е победата за домаќините. Со победата против вицешампионот Гостивар покажа дека ќе си има свои амбиции во ова првенство.
Имаше шанси Пелистер да ја стигне разликата, меѓутоа кога и посериозно да се доближеа Гостивар влегуваше во серија и повторно создаваше добра предност. На крајот може да се каже дека победата беше и заслужена. Овој натпревар се играше пред празни трибини.
Академија ФМП со 79:75 дојде до победа против Кожуф на стартот од новата сезона. Скоро во текот на целиот натпревар домаќините беа тие кои ја имаа предноста, првата четвртина ја добија со 21:16, а потоа беше полесно иако со разлика која не беше преголема сепак играа сигурно.