Велика Британија ја избра британската корпорација Ролс-Ројс за изградба на првите мали модуларни реактори во земјата. Ова е дел од планот на Лондон за забрзување на декарбонизацијата на енергетската мрежа од средината на следната деценија, објави Ројтерс. Владите на Велика Британија постојано ја поддржуваат изградбата на мали модуларни реактори во последниве години, со цел да се избегнат високите трошоци однапред, доцнењата во планирањето и тешкотиите во обезбедувањето инвестиции што се типични за традиционалните нуклеарни централи.

Денес, кабинетот издвои повеќе од 2,5 милијарди фунти (3,4 милијарди долари) за програмата за изградба на мали модуларни реактори на британската корпорација. „Ролс-Ројс“ ќе склучи стратешко партнерство за развој со државната компанија „Грејт Бритиш Енерџи“, што е предмет на одобрение од регулаторите, соопшти британската корпорација. „Ролс-Ројс“ беше прогласен за претпочитан понудувач по двегодишно натпреварување, што веројатно ќе резултира со технолошки договор вреден повеќе милијарди фунти за компанијата, пренесува БТА.