Екипата на Вардар и во вториот обид не успеа да триумфира на Супер Глоуб, и повторно мораше да се задоволи со третото место кое им донесе парична награда од 150.000 евра. Во натпреварот за третата позиција, „црвено-црните“ го совладаа тимот на Ал Вехда со 30:26 иако во првиот дел беше нерешено (16:16).

Ал Вахда водеше во поголемиот дел од првите 30 минути, а вардарци прв пат во водство дојдоа во 25. минута, кога поведоа со 14:13.
Во второто полувреме со серијата од 5:0, вардарци дојдоа до предност од 21:17 и до крајот на натпреварот не дозволија на противникот да се приближи.

Најдобар во „црвено-црниот“ тим беше Иван Чупиќ со седум гола, додека Даинис Криштопанс шест пати ја погоди мрежата на противникот. Во финалето кое започнува за еден час ќе се сретнат Кил и Барселона.