Вардар се спаси од елиминација, среќни пенали за осминафинале
Денеска играчите на Вардар со доста мака успешно ја прескокнаа пречката во 1/16 финалето од Купот на Македонија. Вардар се пласираше во осминафиналето откако дури по пенал серијата го елиминираше Вардар Форино на теренот во Гостивар.
Водеа Вардарци со головите на Блажевски и Петковски, но домаќините се вратија и за период од две минути го израмнија резултатот (2:2) благодарение на двата погодоци на Алиу.
Во пенал серијата многу лесно можеше да се случи големо изненадување, Вардар Форино пропушти „меч топка“ да го исфрли фаворитот на хартија од натпреварувањето.
При резултат 3:3 во петтата серија на Вардар Форино му недостасуваше само уште еден гол од белата точка, но не ја искористи шансата. На крајот Вардар на тренерот Александар Васоски беше подобар и славеше со 7:6 или севкупни 9:8.
Другите куп натпревари ќе се играат утре на 23 септември од 15.30 часот, во продолжение и паровите:
Кит-Го – Скопје
Победа – Македонија Ѓ.П.
Љуботен – Пелистер
Слога Виница – Шкупи
Велешта – Кожуф
Росоман – Беласица
Охрид – Ренова
Лабуништа Тетекс – Силекс
Каменица Саса – Борец
Гостивар – Тиквеш
Вeлазерими – Работнички