Вардар ќе игра на Ф4 турнирот во Купот по триумфот над Голден Арт
Ракометарите на Вардар денеска ја оправдаа фаворитската улога и обезбедија пласман во полуфиналето на Купот на Македонија.
Скопските „црвено-црни“ без поголеми проблеми славеа против екипата на против Голден Арт со 32:23, по првото полувреме беше 17:9.
Во седмата минута од натпреварот Вардар стекна предност од 3:0, цели 10 минути играчите на Голден Арт не успеаја да реализираат гол. По 15 минути игра на семафорот стоеше 8:4 за тимот на Недановски.
На 10 минути пред крајот на првиот дел Голден Арт ја намали негативата на „минус два“ (8:6). Но, само за кратко, Вардар константно ја одржуваше предноста, полувремето го заврши со високи осум гола позитива и тука веќе беа решени сите дилеми околу победникот.
Во 37 минута Вардар водеше со 20:11, а најголемата разлика домаќините ја имаа во 40 минута со 11 гола. До крајот на натпреварот таа разлика варираше од девет до максимални 13 гола.
Во победничките редови доминираше Петриќ со девет голови, осум постигна Родригез, а Георгиевски пет. На спротивната страна по пет погодоци запишаа Шилегов и Јанковски.