Ракометарите на Вардар се испотија за да дојдат до победата во 12 коло од Суперлигата над последнопласираниот Скопје од 27:32 покажувајќи дека се уште не е излезен од кризата.

„Црвено-црните“ се во серија од пет порази по ред во Лигата на шампионите, додека во Суперлигата не играат убедливо и веќе доживеаја пораз од вториот тим на Е. Пелистер.

Домашниот тим подобтро подобро го отвори натпреварот и на стартот, имаше предност од 6:3 и беше во водство во текот на првите 30 минути кои го доби со 13:12. Ракометарите на Скопје добро започнаа и второто полувреме, беа рамноправем противник се до моментот кога „црвено-црните“ при резултат 24:24 направија серија од 2:6 и ја обезбедија победата.

Александар Василевски беше најпрецизен во редовите на Скопје со осум гола, а исто толку голови постигнаа и Гоце Георгиевски и Јан Чувара за Вардар.