Вардар без многу мака го реши Татран

фото: СЕХА

Екипата на Вардар по поразот од Брест Мешков, веќе влезе во победнички ритам, „црвено-црната“ машинерија почна да ги меле противниците во СЕХА лигата. Вардарци денеска без многу мака како гости го совладаа Татран Прешов со 22:29 и дојдоа до третиот триумф во четири кола. Интересно е што ова беше прва победа на гости за Вардар, откако двата триумфа над Пекинг спорт Универзитет и Нексе беа остварени на домашен терен.

Дилемите околу победникот, европскиот шампион ги реши во второто полувреме кога со препознатливата игра во одбраната и сигурната реализација успеа да дојде и до двоцифрена предност (17:27) по што тренерот Писонеро шанса им даде шанса на сите ракометари.

Најпрецизен во Вардар беше Тимур Дибиров со пет постигнати голови, а еден помалку дадоа Горбок и Шишкарев. Во тимот на Татран Прешов, а и најефикасен на мечот, беше Оливер Рабек со шест погодоци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот