Ѕвездата на Реал Мадрид, Федерико Валверде, првпат јавно проговори за инцидентот на тренингот со неговиот соиграч Орелиен Чуамени, признавајќи дека физичката пресметка била тежок и важен момент од неговата кариера.

Уругвајскиот репрезентативец, кој моментално се подготвува за Светско првенство во фудбал 2026, истакна дека во целиот период добивал голема поддршка од навивачите на мадридскиот клуб.

По пристигнувањето во Уругвај, Валверде зборуваше смирено за целиот случај.

„Се чувствувам одлично. Имав огромна поддршка и љубов од навивачите на Реал Мадрид, како и од клубот. Понекогаш мора да поминете низ вакви тешки моменти во фудбалот и животот за да научите како да растете и созревате“, изјави Валверде.

Поради инцидентот, Реал Мадрид ги казни двајцата со по 500.000 евра што се највисоки парични казни во историјата на клубот.

„Верувам дека ова ќе ме направи подобар капитен во годините што доаѓаат“, порача Уругваецот кој сега ги почнува подготовките за Мундијалот.

Реал Мадрид им изрече парични казни на Валверде и Чуамени