Родителите на тинејџерка и нејзината баба се пронајдени убиени во американската држава Северна Каролина, а за ужасното злосторство е осомничена 16-годишната девојка, јавија американските медиуми.

Според американските медиуми, телата на убиените биле пронајдени со рани од огнено оружје на 7 мај во гратчето Фервју. Тоа биле 41-годишниот Тревис Грант, неговата сопруга Кимберли Грант (42) и 66-годишната мајка на Тревис и баба на осомничената, Шерон Грант.

Тинејџерката Стар Грант не била во куќата, а полицијата започнала итна потрага. Таа била пронајдена еден ден подоцна во хотел во државата Тенеси заедно со 28-годишниот Деван Лавинг. Двајцата се уапсени и обвинети за тројно убиство и заговор за извршување убиство. На девојката ќе ѝ се суди како да е полнолетна.

Полицијата соопшти дека телата на членовите на семејството веројатно биле во домот со денови пред да бидат пронајдени, додека мотивот за злосторството засега е непознат.

Детски цртеж открил страшно злоставување во градинка во Шпанија