Уште една висока победа на КМФ Проект во футсал Лигата на шампионите

КМФ Проект против Ст. Ендрјус од Малта ќе се бори за првото место/Фото: facebook.com/KMF-Proekt-КМФ-Проект

Откако вчера со 6:0 во првиот меч вчера триумфираше над израелскиот Делфинс Ашдод, денеска во Гевгелија македонскиот шампион КМФ Проект со 8:1 славеше против Цефн Друидс од Велс во прелиминарната рунда во футсал Лигата на шампионите.

Ранготов постигна три голови (09:13 мин., 09:58, 35:08), по два Мехмединовиќ (14:54, 31:56) и Михајлов (22:31, 30:10), а еден Мар. Тодоровски (36:22).

На спротивната страна единствениот погодок беше дел на Вајс (15:13 мин.).

Ст. Ендрјус од Малта исто така беше убедлив над Долфинс Ашдод со 8:0. На едно коло до крајот во групата „А“ по шест бодови имаат КМФ Проект (14:1 гол разлика) и Ст. Ендрјус (13:0) на делба на првото место и токму овие две екипи ќе играат во вторник.

Првопласираните од секоја група ќе се пласираат во главната рунда, и уште една второпласирана зависно од ранкингот.

Видео на денот