Изминатата вечер во НБА лигата се случи уште еден потрес откако претходно Кајри Ирвинг се пресели од Бруклин во Далас, сега и Кевин Дурант го напушти Бруклин.

Дурант е трејдуван во Феникс Санс, кој во спротивен правец ќе ги испрати Микел Бриџис, Кемба Џонсон, Џеј Краудер и четири пикови од првата рунда на драфтот (2023, 2025, 2027, 2029). Покрај Дурант во Феникс пристигнува и искусниот Ти Џеј Ворен.

Сезонава Дурант имаше просек од 29.7 поени по натпревар. НБА асот со 13 настапи на ол-стар викендите има уште четири титули најдобар стрелец и МВП од 2014 година, а на 978 натпревари во кариерата е со просек од 27.28 поени и тоа е четврти најдобар резултат во историјата на НБА. Пред него се само Мајкл Џордан (30.12), Вилт Џембрлен (30.07) и Елџин Бејлор (27,36).

A three-way trade between the Lakers, Jazz and Timberwolves is being finalized sources tell @shamscharania.

Russell Westbrook ➡️ UTA
D’Angelo Russell➡️ LA
Mike Conley Jr. ➡️ MIN pic.twitter.com/cnepT7WuE1

— The Athletic (@TheAthletic) February 9, 2023

Адријан Војнаровски и Шамс Чарни исто така објавуваат и дека Лејкерс се договориле со Минесота и Јута за размена во која Вестбрук со првиот пик на драфтот (2027) би завршил во Солт Лејк Сити, додека во „градот на анѓелите“ пристигнува Дианџело Расел.

Комплетниот трејд изгледа вака: Лејерси ги добиваат Дианџело Расел, Малик Бизли и Џерард Вандербилт, Јута покрај Вестбрук го има првиот пик на драфтот, а дресот на Минесота ќе го облечат Мајк Конли, Никел Александер-Вокер и трите пика на втората рунда драфтот.