Унгарскиот министер за надворешни работи Петер Сијарто со години ѝ доставувал на Русија доверливи информации од Европската Унија, објави американскиот весник „Вашингтон пост“. Извештајот утрово го пренесе и „Еуроњуз“ додавајќи дека Будимпешта ги негира овие обвинувања, нарекувајќи ги измислици.

Според „Вашингтон пост“, кој цитираше анонимен европски безбедносен службеник, унгарските власти со години ѝ доставувале класифицирани информации на Москва од задкулисните дискусии на состаноците на лидерите на Советот на ЕУ.

Весникот објави дека помеѓу состаноците на ЕУ, Сијаро го повикал својот руски колега, Сергеј Лавров, за да го информира за разговорите на европските лидери и да предложи можни решенија за руските власти.

Според истите извори, „со години практично секој состанок на ЕУ се одржува со Москва на маса“, објави американскиот весник.

Полскиот премиер Доналд Туск денес реагираше на овие откритија.

„Веста дека луѓето на (унгарскиот премиер Виктор) Орбан доставуваат детални информации за состаноците на Советот на ЕУ на Москва не треба да биде изненадување. Долго време се сомневавме во тоа. Тоа е една од причините зошто зборувам само кога е апсолутно неопходно и го кажувам само најнеопходното“, напиша Туск во порака објавена на социјалната мрежа X.

The news that Orbán’s people inform Moscow about EU Council meetings in every detail shouldn’t come as a surprise to anyone. We’ve had our suspicions about that for a long time. That’s one reason why I take the floor only when strictly necessary and say just as much as necessary.

— Donald Tusk (@donaldtusk) March 22, 2026

Сијарто реагираше на пишувањето на американскиот весник, наведувајќи дека ова се лаги и дека сè е насочено кон поддршка на опозициската партија Тиса Петер Маѓар (Маѓар) пред парламентарните избори во Унгарија, закажани за април.