Унгарија: Не одиме на Евровизија, премногу е геј!
Наредната година на Евровизија нема да може да ја видиме Унгарија бидејќи, како што се шпекулира, овој музички настан бил премногу геј за крајнодесничарската влада на Унгарија и за шефовите на државната телевизија.
За повлекувањето од Евровизија се уште нема официјално образложение, но одлуката следеше по засилената хомофобична реторика во земјата, во која што премиерот Виктор Орбан покрена програма за поддршка на традиционални семејства и за зголемување на наталитетот.
Неодамна и спикерот на унгарскиот парламент ја спореди хомосексуалноста со педофилија, а при преносот од последната Евровизија, таа беше опишана како парада на хомосексуалци и беше кажано дека „неучеството би било добро за менталното здравје на нацијата“.
Од унгарската државна телевизија излегоа со соопштение во кое соопштија дека одлуката е донесена со цел да не се промовира хомосексуалноста, а додадоа и дека „Место да земеме учество во Евровизија, ќе поддржиме квалитетни продукции за унгарската поп музика“.