Учебниците по странски јазици, кои ги нема пет години, ќе чинат осум милијарди евра
Половина милијарда денари или осум милијарди евра ќе чини јавната набавка во Министерството за образование и наука, со која ќе се обезбедат учебници по странски јазици за основните училишта, пишува „Макфакс“. Оваа набавка не успеаја да ја реализираат четворица министри за образование, а оваа учебна година е петта по ред како во основните училишта странските јазици се изучуваат без учебници.
Препорачано
Актуелната министерка за образование, Весна Јаневска, вели дека вината за ненабавените учебници е во претходното раководство на МОН, кое поради неквалитет, ја поништило постапката за јавна набавка. Јаневска вели дека за оваа учебна година учебниците не можеле да се набават бидејќи сè уште траат жалбени постапки, но најави дека штом тие завршат МОН ќе објави нов оглас за набавка на учебниците.
„За следната учебна година сите учебници по странски јазици ќе бидат обезбедени. Според процените, ќе биде потребен буџет од речиси 500 милиони денари“, велат од кабинетот на министерката за „Макфакс“.
Од МОН не одговориле на прашањето на порталот зошто учебниците по странски јазици не може да се обезбедат за второто полугодие од оваа учебна година, со оглед на тоа дека доцнат цели пет години.
