Американскиот претседател Доналд Трамп денеска изјави дека 48 лидери биле убиени во американско-израелските напади врз Иран, пренесе „Ројтерс“.

– Се движи напред. Се движи брзо. Вака е веќе 47 години. Никој не може да поверува во успехот што го имаме, 48 лидери се елиминирани во еден удар. И сето тоа се одвива многу брзо – се пофали Трамп.

Изјавата на Трамп доаѓа во услови на нагло заострување на кризата на Блискиот Исток. Во саботата САД и Израел извршија удари врз цели во Иран, по што Техеран одговори со ракети и со дронови. Иранските медиуми објавија дека пловидбата низ Ормускиот Теснец е практично прекината.

Њујорк тајмс: Нападот на Трамп врз Иран е непромислен

Бројката што ја изнесе Трамп е значително повисока од досега официјално потврдените информации од ирански и од други извори, кои зборуваат за смрт на врховниот лидер и на повеќе високи функционери, но не и за толкав вкупен број политички и воени раководители.

Иранските власти денеска ја потврдија и смртта на врховниот лидер, ајатолахот Али Хамнеи, како и на повеќе високи претставници кои загинале во нападите.

Вашингтон и Тел Авив тврдат дека Техеран развива нуклеарна и ракетна програма што претставува закана за Израел и американските партнери, додека Иран инсистира дека неговите нуклеарни активности имаат исклучиво цивилна и мирољубива намена.

Рама смета дека Израел е мирољубива земја, Вучиќ вели дека почнува нова ера: што мислат балканските лидери за војната во Иран?