Денеска во својот осми натпревар од квалификациите за пласман на Европското првенство, во Ереван македонската фудбалска репрезентација за играчи до 21 година славеа со 2:0.

Тоа е само втора победа за нашите фудбалски надежи во овие квалификации, првата ја остваривме против истиот противник минатата година на стадионот „Петар Милошевски“ во Битола тогаш со 2:1.

На денешниот дуел водевме со 1:0 по првото полувреме, погодокот беше дело на Ѓоргиевски од пенал во 45 минута.

Вториот гол беше реализиран во 75 минута кога стрелаше Љатифи, по асистенцијата на Хамза. Во самиот финиш од средбата кај домаќините поради втор жолт картон теренот предвреме го напушти Аветисјан.

Моментно Македонија е на претпоследното петто место со шест бодови, додека Ерменците се на последната шест позиција без ниту еден бод.

Избраниците на селекторот Горан Станиќ ќе го завршат квалификацискиот циклус во октомври годинава кога најпрвин ќе ја пречекаат Црна Гора, а во последното коло ќе гостуваат кај Шведска.