Трпела ужасни главоболки поради што вбризгала ботокс во вратот – Фановите брутално ја осудија Криси Тајген
Некогашната манекенка и модел, Криси Тиген (34) е бремена по третпат, а во таа состојба има многу силни главоболки.
За тој проблем им се пожалила на своите обожаватели на социјалните мрежи и објаснила дека се одлучила за ботокс, за кој, како што се надева, би требало да го реши проблемот.
Самата процедура ѝ ја препорачал доктор, а пластичните хирурзи веќе некое време предлагаат решение за тешка мигрена во форма на нехируршки третман со ботокс. Станува збор за метода со стимулација на периферните нерви за оние кои се борат со хроничен проблем, како и во случаи кога вообичаената терапија не дава резултати.
„Имам многу силни труднички главоболки, па воодушевена сум што ми одобрија користење на ботокс кај мускулите на вратот. Со недели бев исклучително лошо, но сега конечно ја гледам светлината на крајот на тунелот“, напишала Тиген.
Сепак, овој начин на решавање на проблемот на многу нејзини фанови не им звучел како добра идеја, па коментирале дека не станува збор за третман кој би можел да им се препорача на бремени жени. Некои дури ја осудиле дека е себична и дека повеќе мисли на себе си отколку на плодот кој го носи.