Површината на сите малопродажни паркови во Бугарија, која до крајот на 2021 година изнесуваше околу 100 илјади квадратни метри, на крајот на 2022 година веќе достигна 300 илјади квадратни метри.

Ова се тврди во извештај на консултантската компанија „Кушман & Вејкфилд/Фортон“. Прогнозата е дека во следните 2 години површината на овие паркови ќе се зголеми за уште 50 отсто, со што овој тип на комерцијален простор ќе го повтори бумот на трговските центри од пред 15-18 години. Но, во бројката се вклучени само оние паркови во кои закупната површина е над 5 илјади метри квадратни, инаку се многу повеќе.

Ова е обично комплекс од згради од еден или два ката сместени во заеднички двор и просториите се окупирани со трговски синџири.

Во последната година негативниот ефект од пандемијата целосно стивна, а во овој тип на малопродажни места активно влегуваат брендови главно од соседните земји, кои се во среден ценовен опсег, особено во категоријата облека и обувки. Во трговските центри, кириите се движат од 25 евра за метар квадратен на село до 35 евра за поголемите во Софија, пренесува бугарскиот „24Часа“.