Во германскиот град Гисен попладнево се случила пукотница во која, според првичните информации, повредени се три лица.

Инцидентот се случил во спортска обложувалница на плоштадот Марктплац, а напаѓачот е во бегство, објави Билд.

Локалната полиција потврди дека нема опасност за граѓаните и покрај фактот дека сторителот е сè уште на слобода.

Веднаш по пријавата, полицијата ги блокирала сите пристапи кон плоштадот, а на терен има силни полициски сили. Мотивот на нападот сè уште не е познат.

Според неофицијални информации, во нападот е употребено огнено оружје, најверојатно пиштол или револвер. Потрагата по напаѓачот е во тек.