Како што пренесува „BBC“, во групата имало 12 тинејџерки на возраст од 12 до 16 години, кои живеат на југот во Англија.

Постоењето на групата случајно било откриено кога три тинејџерки исчезнале. Тие биле пронајдени со сериозно нарушено здравје во Лондон.

Од канцеларијата на социјалната мрежа Инстаграм соопштиле дека не пронашле ништо незаконско и дека правилата не се прекршени.

Инстаграм користи вештачка интелигенција, т.н. посебни програми за откривање и блокирање пораки кои наведуваат на самоповредување.

„Социјалните мрежи многу го зголемија своето влијание меѓу тинејџерите, вклучувајќи ги и оние кои размислуваат за самоубиство или самоповредување. Тоа ескалира во сериозна криза“, се наведува во соопштението.

Надлежните органи трите исчезнати девојки ги лоцирале откако со воз пристигнале во Лондон. Една од нив во несвесна состојба била пронајдена на улица и итно била пренесена во болница. Набрзо биле пронајдени и останатите две тинејџерки кои откриле дека се запознале преку Инстаграм. На тој начин полицијата ја открила групата.