На релација Тетово-Попова Шапка, долга дваесетина километри, од сабота ќе може да се патува со автобуси на општинското претпријатие за јавен превоз „Тетово Транспорт“.

Скијачката сезона во нашиот зимски центар започна пред неколку дена, а Општина Тетово информираше дека од викендов ќе може да се користат два термина за поаѓање од Тетово кон Попова Шапка во 08:00 и од 10:00 часот и исто толку за враќање во 14:45 и во 16:00 часот. Повратен билет ќе чини 200 денари.

„Од сабота (17 јануари) ќе биде пуштена во употреба автобуската линија Тетово-Попова Шапка и обратно. Оваа линија ќе функционира само за време на викендите. Ги повикуваме сите граѓани да го користат јавниот превоз и да придонесат кон намалување на сообраќајниот метеж и заштита на животната средина“, соопшти Општина Тетово.

За разлика од лани, кога имаше четири линии за патување кон скијачкиот центар, сега има само две. Претходната ски-сезона автобусите тргнувааа од 08:00, 10:00, 12:00 и 15:30 часот, а во градот се враќаа еден час подоцна од овие термини.

ВИДЕО: Ратраци ги спремаат патеките на Попова Шапка – има многу снег, но никој не кажува кога ќе почне скијањето