Актуелниот американски претседател Доналд Трамп вчера ја обезбеди поддршката на доволен број делегати за да биде истакнат за кандидат на републиканската партија на претстојните претседателски избори во ноември.

Ова го покажува преборјувањето на телевизијата Си-Ен-Ен по вчерашните првични избори во државите Илиноис и Флорида.

Трамп очекувано победи и во двете држави и во моментов ја има поддршката на 1.301 делегат.

За номинирањето за кандидат од републиканската партија на конгесот, што ќе се оддржи од 24 до 27 август во градот Шарлот, во сојузната држава Северна Каролина, неопходни му се гласовите на 1.276 од вкупно 2.441 делегати, делегирани како резултат на собранијата на партиските членови (кокуси) и првичните избори.

Претседателските избори во САД, 59-ти по ред, ќе се оддржат на 3 ноември.