17.8 C
Скопје

Трамп: САД секогаш мора да стојат покрај Израел и јасно да кажат дека Палестинците мора да стават крај на насилството, теророт и ракетните напади

Поранешниот американски претседател Доналд Трамп го обвини сегашниот шеф на државата Џо Бајден дека е виновен за ескалација на насилството меѓу Израел и Хамас.

„Под владеењето на Бајден, светот станува се понасилен и нестабилен, бидејќи неговата слабост и недостиг на поддршка за Израел доведува до нови напади врз нашите сојузници”, наведе Трамп во соопштение.

Тој оцени дека САД секогаш мора да стојат покрај Израел и јасно да кажат дека Палестинците мора да стават крај на насилството, теророт и ракетните напади.

„Кога бев во Белата куќа, бевме познати како претседателство што се залага за мир, бидејќи израелските противници знаеја дека САД стојат цврсто со Израел и дека ќе има брза одмазда ако Израел биде нападнат”, вели Трамп.

Гардијан: Конфликтот меѓу Израел и Палестина ја фати администрацијата на Бајден неподготвена

Тој посочи дека Соединетите држави мора јасно да кажат дека секогаш силно ќе го поддржуваат правото на Израел да се брани.

„Неверојатно, демократите и понатаму стојат покрај лудиот антиамерикански претставник во Сенатот, Илхан Омар и другите кои дивјачки го напаѓаат Израел додека се наоѓаат под терористички напади”, оцени поранешниот претседател на САД. 

Поврзани вести

Денес се празнува Ден на Светиот Дух – понеделникот по педесетница

Ирена Трајкова

Шведскиот премиер соочен со гласање за недоверба

Слободен печат

Папата повика на воспоставување хуманитарни коридори во Мјанмар

Слободен печат

ФОТО | Црн Дрим во Струга стана син

Слободен печат

Две лица загинаа во соoбраќајка на патот Штип-Крупиште

Слободен печат

Трагедија на Паличко Езеро: Се удавил маж, телото сѐ уште не е пронајдено

Слободен печат

Остави Коментар