Трамп: Договорот со Иран или ќе биде одличен, или нема да има договор
Американскиот претседател Доналд Трамп денес објави дека „преговорите со Иран се одвиваат добро“, а мировниот договор „или ќе биде одличен и значаен, или нема да има договор“.
Препорачано
Во објава на социјалната мрежа „Трут сошл“, Трамп рече дека мировниот договор меѓу Соединетите Американски Држави и Иран ќе биде подобар од „катастрофалниот“ договор постигнат од администрацијата на поранешниот американски претседател Барак Обама, кој, според него, бил директен и отворен пат кон нуклеарно оружје за Иран.
„Не, јас не работам такви работи. Договорот со Иран или ќе биде одличен и значаен, или нема да има договор“, напиша Трамп.
Трамп посочи дека „им се смее на сите демократи, републиканци и будали кои не знаат ништо за потенцијалниот договор“ што неговата администрација го склучува со Иран, наведувајќи дека тоа се „луѓе кои целосно го изгубиле патот, постојано поддржувајќи лоши политики и уште полоши кандидати“, но кои постојано ја критикуваат секоја негова „фантастична победа“.
„Овие луѓе треба да си одат дома и да се одморат, тие не прават ништо друго освен создавање поделби и загуби. Со други зборови, тие се губитници“, наведе Трамп.
Заедничкиот сеопфатен план за акција, кој беше постигнат за време на Обама, обезбеди нуклеарната програма на Техеран да биде „исклучиво мирнодопски“, а за возврат, САД се согласија да ги укинат санкциите претходно воведени врз Иран поради неговото нуклеарно оружје.
Портпаролот на иранското Министерство за надворешни работи Есмаил Багаи денеска изјави дека се постигнати заклучоци за многу теми дискутирани за потенцијален меморандум за разбирање со САД, но тоа не значи дека Техеран е блиску до потпишување договор.
Тој ги наведе непредвидливоста и честите промени во американските ставови како главна пречка во финализирањето на договорот.
„Факт е дека во рок од неколку часа се соочувате со различни позиции, многу често контрадикторни. Ова го отежнува процесот на какви било преговори“, нагласи портпаролот на иранското министерство.
Направен е исчекор во преговорите со САД, но кризата е далеку од решена, вели Иран
