Трагедија во Грција: Турист ѝ предложил брак на 24-годишната партнерка, таа се онесвестила и се бори за живот
Трагичен инцидент се случи во сабота попладне во областа Енглуви, Лефкада, кога 24-годишна туристка од Чешка се онесвестила додека момчето ѝ предлагало брак.
Препорачано
Според информациите од ilefkada.gr, младиот пар – на возраст од 25 и 24 години – ја посетил црквата „Свети Пророк Илија“, каде што младиот човек планирал да ѝ предложи брак на својата партнерка.
Неколку секунди по моментот на запросувањето, 24-годишната девојка ја изгубила свеста и паднала на земја.
Шокираниот млад човек се обидел да повика помош, по што дошла итната помош и ја транспортирале девојката во болницата во Лефкада.
Кај 24-годишната девојка, по прегледите и лекарите кои се бореле да ја одржат во живот, било утврдено дека има обемно церебрално крварење, веднаш била интубирана и сега е хоспитализирана на Одделот за интензивна нега во болницата во Јанина во многу критична состојба.
Нејзиниот партнер е шокиран, се обидува да сфати како еден момент на среќа се претворил во трагедија и дека неговата партнерка се бори за својот живот.
